Asiya İnfrastruktur İnvestisiya Bankının (AİİB) V İllik Toplantısı 2020-ci ilin iyulunda Çinin paytaxtı Pekində keçiriləcək.
SİA AİİB-in Pekindəki mənzil-qərargahının yaydığı məlumata istinadən xəbər verir ki, bu barədə qərar bankın Lüksemburqda keçirilən IV toplantısında qəbul olunub. Bu, bankın Pekində keçiriləcək ikinci iclası olacaq. AİİB-in 2016-cı ildəki ilk iclası da Pekində təşkil olunmuşdu.
Qeyd edək ki, 2016-cı ilin yanvarında Azərbaycan da daxil olmaqla 57 təsisçi-üzv ölkə tərəfindən yaradılan bank 100 milyard ABŞ dolları nizamnamə kapitalı ilə Asiyada enerji, nəqliyyat, şəhərsalma, su təchizatı, logistika, telekommunikasiya, kənd təsərrüfatı, ətraf mühit və digər sahələr üzrə infrastruktur layihələrini maliyyələşdirir.
Bütün xəbərlər Facebook səhifəmizdə
USD
EUR
GBP
RUB