Bu ilin əvvəlindən Barselonada 150 mindən çox cinayət hadisəsi qeydə alınıb. Bu göstərici 2018-ci ili təhlükəsızlik baxımından Barselona tarixində ən pis ilə çevirə bilər. SİA Kataloniya Daxili İşlər Nazirliyinə istinadla bildirir ki, yanvarın 1-dən sentyabrın 30-na qədər Mosos-d`Eskuadra adlandırılan Kataloniya polisinin, Barselona qvardiyasının, Milli Polisin və Mülki Qvardiyanın bölmələrinə 144.042 cinayət hadisəsi barədə ərizə daxil olub.
Adətən yay aylarında turizmlə bərabər, cinayətkarlıq səviyyəsi də artır. Məsələn, 2018-ci ilin iyun-avqust aylarında 51 mindən çox cinayət törədilib.
Bir neçə həftə əvvəl Kataloniya paytaxtında cibgirlik əleyhinə əməliyyat başlayıb. Statistikaya görə, Barselonada 10 qanun pozuntusundan 6-sı məhz oğurluqdur.
Bundan əlavə, mənzil oğurluqlarının və kommersiya müəssisələrinin qarət edilməsi hallarının sayı 24 faiz, zorakılıq hallarının sayı 18 faiz, zorlama hadisələrinin sayı 16 faiz artıb.
Bütün xəbərlər Facebook səhifəmizdə
USD
EUR
GBP
RUB