Koreya Xalq Demokratik Respublikasında (KXDR) təxminən 6 milyon mobil telefon istifadəçisi var. SİA Yonhap agentliyinə istinadla xəbər verir ki, bunu Cənubi Koreyanın birləşmə naziri Ço Myunq-qyon ölkə parlamentində deputatlardan birinin bu barədə sualını cavablandırarkən deyib.
Şimali Koreyada istifadədə olan mobil telefonların qiymətinin 100-200 ABŞ dolları arasında olduğunu güman edən nazir əlavə edib ki, KXDR-in mobil rabitə şəbəkəsi 3G standartından aşağıdır.
“Şimali koreyalılar üçün internet açıq deyil. Onların mobil telefonlarına məhdudiyyət tətbiq olunur və sadəcə mobil rabitə şəbəkəsi kimi çalışır”, - deyə Ço Myunq-qyon bildirib.
Bütün xəbərlər Facebook səhifəmizdə
USD
EUR
GBP
RUB