Rusiya müsləman ölkələrinə jest etmək fikrinə gəlib. Belə ki, rəsmi Moskva Fələstinə əlavə yardımlar etmək üçün qərar qəbul edib. SİA-nın rus mətbuatına istinadən verdiyi xəbərə görə, bu barədə açıqlamanı Rusiya Federasiya Şurasının sədri Sergey Mironov verib: "Cənab Abbas Rusiyanın yardımları üçün təşəkkürünü bildirdi. Tez-tez Rusiyaya səfər etdiyini də dedi. Mən bilirəm ki, o sadəcə Moskvaya yox, Çeçenistana, Dağıstana və Tatarıstana da səfər edir".
Eyni zamanda Sergey Mironov Fələstinə silahsız 50 zirehli maşın verdiklərini də deyib. O, qeyd edib ki, zirehli maşınlar hal-hazırda İordaniyadadır və indi bu texniki vasitələrin Fələstinə keçirmək üçün İsraillə təmas qurulur: "Rusiya öhdəsinə düşənləri yerinə yetirir. Təbii ki, bu zirehli maşınlarda silah yoxdur. Bu, mülki əhalinin qorunması üçündür".
Bütün xəbərlər Facebook səhifəmizdə
USD
EUR
GBP
RUB