Rusiya və Türkiyə prezidentləri Vladimir Putin və Rəcəb Tayyib Ərdoğan telefon söhbəti zamanı ABŞ prezidenti Donald Trampın Qüdsə dair bəyanatından sonra Yaxın Şərqdə yaranmış vəziyyəti müzakirə ediblər. SİA-nın xarici mətbuata istinadən verdiyi məlumata görə, bu barədə Kremlin mətbuat xidməti məlumat yayıb.
Qeyd olunur ki, telefon danışığı Türkiyə tərəfinin təşəbbüsü ilə baş tutub.
Prezidentlər ABŞ-n Qüdsü İsrailin paytaxtı kimi tanıması ilə əlaqədar ciddi narahatlıq ifadə edib.
"Hər iki tərəf Birləşmiş Ştatların səfirliyi Tel-Əvivdən Qüdsə köçürülməsinə dair planlarından ciddi narahatdır. Bu cür addımlar Yaxın Şərqdəki sülh prosesinə xələl gətirə bilər", - deyə mətbuat xidmətində bildiriblər.
Müəllif: Ceyhun Rasimoğlu
Bütün xəbərlər Facebook səhifəmizdə
USD
EUR
GBP
RUB