Türkiyə məhkəməsi İstanbulda türk kişiləri döyən irlandiyalı boksçu Məhəmməd Fadeldabbousa bəraət verib. Teleqraf.com xəbər verir ki, qaldığı otellə üzbəüz mağazadan su almaq istəyən turist dolabın qapısını sərt açdığı üçün qablar yerə dağılıb. Bundan sonra onunla satıcı arasında mübahisə başlayıb.
Kənardakı satıcıların da qoşulduğu mübahisə qısa müddətdə davaya çevrilib. Eyni anda bir neçə satıcı turistə hücum edərək əllərindəki ağac, oturcaq və digər əşyalarla ona zərbələr endirməyə çalışıblar. Lakin irlandiyalı turist peşəkar boksçu olduğundan satıcıları bir-bir nokauta salıb. Elə həmin gün tərəflər məhkəməyə müraciət ediblər. Dünən isə, Aksaray məhkəməsi qərarını açıqlayıb.
Məhəkəmə əcnəbi boksçunun özünü müdafiə etdiyini bəyan edərək ona bəraət verib. Türk satıcılar isə "qəsdən yaralama" ittihamı ilə 3 ildən 5 ilə qədər azadlıqdan məhrum ediliblər.
Bütün xəbərlər Facebook səhifəmizdə
USD
EUR
GBP
RUB