ABŞ prezidentinin mətbuat katibi Coş Ernest açıq şəkildə bildirib ki, Ukrayna ilə əlaqədar Rusiyaya qarşı tətbiq olunan sanksiyalar hələ ki istənilən nəticəni verməyib. "RİA Novosti"nin xəbərinə görə, Ağ Ev-in rəsmi təmsilçisi qeyd edib ki, onun ölkəsi Rusiyanın davranışında gözlənilən dəyişikliyi görmür: "Sanksiyalar hələ ki nəticə verməyib. Biz Rusiyanın davranışında gözlədiyimiz dəyişikliyi görmürük. Lakin biz sanksiyaların Rusiya iqtisadiyyatına təsirini müşahidə edirik", - deyə o bildirib. Qeyd edək ki, ABŞ və Aİ Ukraynadakı vəziyyətlə əlaqədar 2014-cü ilin iyulundan başlayaraq Rusiyaya qarşı kompleks sanksiyalar tətbiq etməyə başlayıb. Rusiya, öz növbəsində, sanksiyalara qoşulan dövlətlərdən ölkəyə malların idxalına qadağa qoyub.
Bütün xəbərlər Facebook səhifəmizdə
USD
EUR
GBP
RUB