Türkiyənin baş naziri Binəli Yıldırım dünən Avropa Parlamentinin rəhbəri Martin Şultsla birgə keçirdiyi mətbuat konfransında maraqlı bəyanatla çıxış edib. Türkiyə mətbuatının yazdığına görə, Baş nazir, Türkiyə Aİ-nin vizasız rejimə keçid üçün mühüm şərt kimi irəli sürdüyü tələbinə cavabında antiterror qanunvericiliyini dəyişməyəcəyini bəyan edib:
"Bizim terrorla mübarizəmiz Avropanın özünün də təhlükəsizliyinə zəmanətdir. Bugünkü şəraitdə, terrorla bu cür intensiv savaş getdiyi bir zamanda, qanunvericilikdə hər-hansı dəyişiklik etmək mümkünsüzdür. Bu bizim üçün ölüm-dirim məsələsidir. Digər məsələlərdə isə biz heç bir çətinlik görmürük", - deyə Yıldırım qeyd edib. Maraqlıdır ki, M.Şults isə, öz növbəsində Aİ-nin əvvəlki mövqeyini yenidən təkrarlayıb: "Viza liberallaşdırılması yalnız Türkiyənin terrorla mübarizəyə dair qanunvericiliyinin dəyişməsindən sonra mümkündür".
Bütün xəbərlər Facebook səhifəmizdə
USD
EUR
GBP
RUB