ABŞ yenidən Suriya Prezidenti Bəşər Əsəd barədə kəskin əyanatla çıxış edib. RİA Novosti agentliyinin xəbərinə görə, ABŞ dövlət katibi Con Kerri bəyan edib ki, Bəşər Əsəd hökumətinin və Rusiyanın Suriyada hərəkətləri narahatlıq doğurur: "Suriyada vəziyyətin yenidən gərginləşməsi hamını narahat edir. Bu gün yaşananlar Rusiyanın və Əsəd rejiminin BMT Təhlükəsizlik Şurasının qərarlarına sadiq qalıb-qalmamalarını müəyyən edəcək. Hələ ki münaqişə tərəfləri öhdəliklərini yerinə yetirmək əvəzinə, döyüşmək əzmi nümayiş etdirirlər. Belə şəraitdə nəyəsə nail olmaq olduqca çətindir. Rusiya özünü və Suriya hökumətini hücum xarakterli hərəkətlərdən çəkindirməlidir. Biz isə öz növbəmizdə çalışmalıyıq ki, Suriya müxalifətini silahlı yoldan çəkindirək", deyə C.Kerri bildirib.
Bütün xəbərlər Facebook səhifəmizdə
USD
EUR
GBP
RUB