Türkiyə Prezidenti T. Ərdoğan İstanbula dönüb və dərhal açıqlama verib. O, baş verən hadisəni paralel dövlətin törətdiyini iddia edib və bunu vətənə xəyanət kimi qiymətləndirib. Prezident deyib ki, biz bu yola başımızı qoyduq. Türkiyə əvvəlki Türkiyə deyil. Kimsə çevriliş yolu ilə xalqın seçdiyi hökuməti devirə bilməz. Ərdoğan deyib ki, bunu edənlər ən ağır şəkildə cəzalanacaqdır.
Ərdoğan sensasion açıqlama verib. O, deyib ki, Marmarisdə, tətildə imiş. Oradan çıxar-çıxmaz, həmin yeri bombalayıblar. Ərdoğan deyib ki, prezident olaraq, özünün baş katibini və Baş qərargah rəisini girov götürüblər. O, bütün əsgərlərə səslənib, sizlər bizim övladımızsınız, deyib. Xalqa silah doğrultmayın, sizə bu silahı millətiniz verib. Bu yanlışdan tez dönün. Yoxsa bədəlini ödəyəcəksiniz.
Ərdoğan deyib ki, bu hadisədən istifadə edib, ordunu təmizləyəcəyik. "Bu əməliyyata başladıq, bunu tamamən bitirəcəyik". Ərdoğan deyib ki, proses Pensilvaniyadan idarə olunur. Silahlı Qüvvələrin içərisində bunlar bir azınlıq. Bizlər vəzifəmizin başındayıq, bizi xalq seçib, deyib, Ərdoğan. Sonu yaxşı olacaq, deyib, Ərdoğan. O, deyib ki, hökumət iş başındadır və Türkiyəni işğalçılara təslim etməyəcəyik.
*** (05:57)
Türkiyə Prezidenti Rəcəb Tayyip Ərdoğanın xalqı küçəyə çağırıb, demokratiyanı, dövləti müdafiə etməyə dəvət etməsindən sonra, vətəndaşlar Atatürk Havalimanındakı tankların üzərinə yürüyərək, etiraz ediblər. Əsgər, etirazların ardından hava limanından çəkilməyə başlayıb.
*** (03:09)
Türkiyədəki hərbi çevriliş cəhdini fiaskoya uğramış hesab etmək olar. Çünki türk xalqı bu çevrilişə qarşı çıxıb. Belə ki, paytaxt Ankaranın "Qızıl Aypara" meydanında vətəndaşlar tankların üzərinə yeriyiblər. Türkiyə mətbuatı xalqın demokratiyaya sahib çıxdığını yazır. Ölkənin bir çox bölgəsində xalqın küçələrə axışdığı bildirilib. Türkiyənin Ərzurum, Malatya, Trabzon, Rizə, Bayburt, Bolu, Sakarya, Adana və Konya kimi şəhərlərində xalq ordunun hərbi çevrilişinə qarşı etirazlara qalxıb.
***
Türkiyənin "Sabah" qəzeti xəbər verir ki, artıq çevrilişə cəhd edən bəzi əsgərlər polis əməkdaşları tərəfindən saxlanılıb.
Qeyd edək ki, Türkiyə Silahlı Qüvvələri nəzarətin ordunun əlinə keçdiyini açıqlayıb. Türkiyə prezidenti Rəcəb Tayyib Ərdoğan canlı yayıma bağlanaraq, xalqı meydanlara çıxmağa səsləyib.
Türkiyə Prezidenti Rəcəb Tayyip Ərdoğan baş verənləri dövlət çevrilişi elan edərək, bütün xalqı meydanlara səsləyib. Ərdoğan bildirib ki, meydanı üsyançılara buraxmayacaq. O, bu işi görən hər kəsin ciddi cəzalandırılacağını elan edib.
***
Türkiyənin dövlət kanalı olan TRT hərbçilər tərəfindən zəbt edilib. Hazırda dövlət kanalında Türkiyə Silahlı Qüvvələrinin adından Prezident Rəcəb Tayyip Ərdoğan əleyhinə mətn oxunur.
***
Qardaş Türkiyədə gərgin anlar yaşanır. Türkiyədə dövlət çevrilişinə cəhd təşəbbüsləri haqda xəbərlər yayılıb. Hazırda Türkiyə televiziyaları bu barədə canlı yayın verməkdədir. Oradan da görünür ki, Ankara küçələrində tanklar küçələrə çıxıb, helikopterlər havaya qaldırılıb. Türkiyənin Baş naziri Binali Yıldırım televiziyalara açıqlama verib və deyib ki, bu, bir hərbi üsyandır. Bir qrup əskəri qrup özbaşına təşəbbüs göstəriblər. İstanbulda 2 körpü jandarma qüvvələri tərəfindən bağlanılıb. Yerli mətbuat xəbər verir ki, İstanbulun Boğaziçi körpüsü və Fateh Sultan Mehmet körpülərinin Anadoludan Avropaya keçən istiqaməti jandarm əməkdaşları tərəfindən bağlanılıb. Reuters agentliyinin məlumatına görə, paytaxt Ankarada silah səsləri eşidilib. Ankara səmalarında helikopterlər uçur. Türkiyə baş naziri Binəli Yıldırım ölkədə çevrilişə cəhd olunduğunu bildirib.
Bütün xəbərlər Facebook səhifəmizdə
USD
EUR
GBP
RUB
