Cibinizdə olan pulları çıxarıb, onları bir-bir gözdən keçirin.Əbəs yerə bunu demirik. Dövriyyədə saxta pul var. Bakıda Yasamal polisi külli miqdarda saxta əskinas hazırlayan dəstə ifşa edib. Polis onların özləri ilə yanaşı yaşadıqları kirayə evdən də xeyli saxta pul aşkar edərək dövriyyədən çıxarıb.
Bakıda saxta pul kəsən dəstə ifşa edilib. Masaj - sağlamlıq salonunun rəhbəri Anar Nehmətov 27-ci polis bölməsinə şikayət edib ki, onların mərkəzinə saxta əskinas verilib.
Dərhal əməliyyat-axtarış tədbirlərinə başlayan polis şübhəli kimi 4 nəfər Balakən sakinləri Elmin Qasımov onun dayısı Ürfan Hacıyev, Ceyhun Osmanov və Ruslan Xəmmədovu saxlayıb. Elmin Qasımovdan 15 ədəd 20-lik, 6 ədəd 5-lik olmaqla 360 manat saxta pul çıxıb.
Polis dəstə üzvlərinin saxladıqdan sonra onların kirayədə qaldıqları evə də baxış keçirib.Evdən 26 ədəd 20 manatlıq, 18 ədəd 1 manatlıq, printer və xeyli kağız aşkar ediblər. Ümumilikdə dəstə üzvlərində 1120 manat pul çıxıb.
Bölmədən verilən məlumata görə dəstə üzvləri hazırladıqları saxta əskinaslardan avtobuslarda və ticarət obyektlərində xərcləyiblər. Bunu onların özləri də ifadələrində bildiriblər. Fakta görə onlar barəsində cinayət işi başlanıb, araşdırmalar davam edir.
Bütün xəbərlər Facebook səhifəmizdə
USD
EUR
GBP
RUB