Nazirlik yaxın zamanda mobil rabitə xidmətlərinin tariflərinin endiriləcəyini proqnozlaşdırır. Azərbaycan Rabitə və Yüksək Texnologiyalar Nazirliyi yaxın zamanda mobil rabitə xidmətlərinin tariflərinin endiriləcəyini proqnozlaşdırır.
Rabitə və yüksək texnologiyalar naziri Əli Abbasov yaxın zamanda mobil rabitə operatorlarının vahid arabağlantı tariflərinə keçəcəklərini bildirib.
"Bununla bağlı artıq mobil rabitə operatorları ilə ümumi razılaşma əldə edilib. Mobil rabitə operatorlarının vahid arabağlantı tariflərinə keçməsi bazarda rəqabətin balanslaşdırılmasına imkan verəcək", - deyə nazir Ə. Abbasov qeyd edib.
Nazirin sözlərinə əsasən, yeni arabağlantı qiymətləri daha aşağı olduğu üçün mobil rabitə operatorları da son istifadəçilərə daha aşağı qiymətlə xidmət göstərə biləcəklər.
Bütün xəbərlər Facebook səhifəmizdə
USD
EUR
GBP
RUB