"99 il bundan əvvəl törədildiyi iddia edilən hadisə araşdırılmadığı halda, ABŞ Senatı tərəfindən bu haqda hər hansı bir qərarın qəbul edilməsi düzgün deyil". SİA-nın türk mətbuatına istinadən verdiyi xəbərə görə, bu sözləri Türkiyənin Baş nazirinin müavini Əli Babacan deyib.
Onun sözlərinə görə, ABŞ-ın daxili siyasət vasitəsi kimi qondarma "erməni soyqırımı"ndan istifadə etməsi xoşagələn deyil: "ABŞ əsassız erməni iddialarını daxili siyasətinə alət etməməlidir. Ankara bu kimi halların qarşısını almaq iqtidarındadır".
Qeyd edək ki, Ermənistan hər il aprelin 24-də qondarma "erməni soyqırımı"nı qeyd edir. Ermənistan Türkiyənin sələfi olan Osmanlı İmperiyasının 1915-ci ildə Anadoluda yaşayan ermənilərə qarşı soyqırım törətdiyini bəyan edir.
Bütün xəbərlər Facebook səhifəmizdə
USD
EUR
GBP
RUB