Regionlar Partiyasının qurultayı martın əvvəllərində Donetsk şəhərində keçiriləcək. SİA-nın məlumatına görə, bu barədə Xarkov şəhərinin meri, partiyanın şəhər təşkilatının rəhbəri Gennadiy Kernes jurnalistlərə açıqlamasında bildirib.
"Biz ümumukrayna qurultayının keçirilməsini gözləyirik və qurultay 3-7 mart tarixlərində keçiriləcək" - deyə bildirən Kernes həmin qurultayda partiyanın istiqamətlərinin nədən ibarət olacağının da müəyyənləşdiriləcəyini bildirib: "Regionlar Partiyasının yüz minlərlə üzvü bizim ideyalara, proqramlara inanırdı və onlar heç vaxt konyuktur qərarlarımızla aldanılmamalıdırlar".
O eyni zamanda qeyd edib ki, hazırda Regionlar Partiyası fraksiyasından bir nəfər də olsa istefa verən olmayıb və bu hal baş verərsə, təşkilatın qurultayında ictimailəşdiriləcək.
USD
EUR
GBP
RUB
