Ukrayna Ali Radasının bir qrup deputatı parlament binasına silahlı şəxslərin daxil olduğunu bildirirlər. SİA Ukraynanın Unian.net. portalına istinadən xəbər verir ki, heç bir fraksiyada təmsil olunmayan deputat Vladimir Litvin öz çıxışı zamanı parlament kuluarlarına silahlı şəxslərin daxil olmasından narahatlığını dilə gətirib.
"Mən cənab spikerdən xahiş edirəm ki, silahlıların binadan çıxmasına dərhal əmr versin və biz də öz işimizi normal olaraq aparaq" - deyən deputat əks halda Radanın işinin dayanacağını deyib.
"Batkivşina" fraksiyasının lideri Arseniy Yatsenyuk isə öz növbəsində bildirib ki, bu dəqiqələrdə avtomatlarla silahlamış şəxslər Ali Radanın binasındadırlar və onlar daxili qoşunları təmsil edirlər.
Yatsenyukun "onları kim içəri buraxıb?" sualı isə cavabsız qalıb.
Xatırladaq ki, Ukrayna hökuməti hərbçilərin dislokasiya nöqtələrinə qayıtmaları haqda yenicə qərar qəbul ediblər.
Rövşən Nurəddinoğlu
Bütün xəbərlər Facebook səhifəmizdə
USD
EUR
GBP
RUB
