YUNİSEF xəbərdarlıq edir ki, keçənilki dövlət çevrilişindən sonra zorakılığın hökm sürdüyü Mərkəzi Afrika Respublikası humanitar fəlakətə doğru gedir.
YUNİSEF-in MAR-dakı nümayəndəsi Süleyman Diabate deyib ki, düşərgələrdə əhalinin sıxlığı, suyun və sanitariyanın keyfiyyətinin aşağı olması uşaqlar üçün ölüm təhlükəsi yaradır.
BMT-nin Uşaq Fondu qızılca xəstəliyinə tutulma halları barədə də məlumat vermişdir.
Ölkənin paytaxtı Bangi şəhərinin aeroportunda təqribən 100 min məcburi köçkün sığınacaq axtarır: ölkədə xristian və müsəlman özünümüdafiə qoşunları arasında toqquşmalar davam edir.
Afrika ölkələrinin liderləri Mərkəzi Afrika Respublikasındakı böhranı müzakirə etmək üçün cümə axşamı Çadda görüşməlidirlər.
Bütün xəbərlər Facebook səhifəmizdə
USD
EUR
GBP
RUB