İspaniyanın Ali Məhkəməsi baskların təmsil olunduğu ETA qruplaşmasının üç üzvünə üst-üstə rekord həddə – 3860 il iş kəsib. SİA-nın İTAR-TASS agentliyinə istinadən verdiyi məlumata görə, terrorçu təşkilatın üzvləri olan Danilel Pastor Alonso, İnqio Sapirain Pomano və Beatris Etçebarria Kabalyero məhkəmənin qərarına görə 3860 il həbs cəzasına məruz qalıblar.
İspaniyanın "El Pais" qəzeti isə yazır ki, İspaniyanın cinayət kodeksində maksimal həbs müddəti 40 ildir. ETA qruplaşmasının üzvləri 2009-cu ilin iyulunda ölkənin şimalında yerləşən Burqos şəhərində, vətəndaş qavardiyasının (hərbi polisin) kazarması önündə 700 kq ekvovalentli partlayıcını avtomobillə birgə partladıblar. Lakin həmin vaxt ölən olmayıb. Ümumilikdə 160 nəfər 41 azyaşlı uşaq daxil olmaqla yüngül yaralarla terror aktından sağ qurtula bilib. Beləliklə, terror aktında günahlandırılan ETA üzvləri zərər çəkən hər bir vətəndaşa, eləcə də ətrafa verdikləri zərərə görə 20 ilik həbs cəzasına layiq görülüblər.
Qeyd edək ki, baskaların təmsil olunduqları ETA terror təşkilatı (tam adı Euskadi ta askatasuna – "Azad basklar ölkəsi") 1959-cu ildə təsis olunub. Təşkilat regionda müstəqillik tərəfdarı kimi çıxış edir və onlar İspaniyanın şimalı və Fransanın cənub-qərbində yerləşən torpaqlarda iddialarını reallaşdırmağa çalışırlar. ETA-nın terror aktlarında bugünə qədər 800 nəfət insan həlak olub. 20 oktyabr 2011-ci ildə isə təşkilat "silahlı mübarizənin sonu" adlı qərar qəbul edib. Lakin buna baxmayaraq, hüquq mühafiaə orqanları və digər güc srtukturları ETA tərəfdarlarını hədəflərində saxlamaqdadırlar. Hazırda İspaniya həbsxanalarında təşkilatın 550 nəfərə yaxın üzvü, Fransada isə 200 nəfərin saxlanıldığı bildirilir.
USD
EUR
GBP
RUB