Dünən Əfqanıstanın xüsusi xidmət orqanları ölkədə fəaliyyət göstərən Beynəlxalq koalisiya qüvvələri ilə keçirdiyi birgə əməliyyat nəticəsində "Taliban" hərəkatının 30-dan çox üzvünü məhv edib. Bu barədə SİA İnterfaks agentliyinə istinadən xəbər verir. Kunar, Laqman, Bağlan, Qəndəhar, Uruzqan, Vardak, Lohar və Qəzni əyalətlərinin terrorçulardan təmizlənməsi prosesinə avqustun 20-dən başlanıb.
Əməliyyat zamanı xeyli silah-sursat və partlayıcı qurğular aşkar edilərək götürülüb. Hazırda Əfqanıstanda təhlükəsizliyin təmin edilməsində Beynəlxalq koalisiya qüvvələrinin 100 min üzvü iştirak edir ki, onların 68 min nəfəri amerikalıdır.
Bütün xəbərlər Facebook səhifəmizdə
USD
EUR
GBP
RUB