ABŞ prezidenti Barak Obama ikinci müddətə prezident seçildikdən sonra ilk ziyarət edəcəyi ölkə olaraq İsraili seçib. SİA-nın türk mətbuatına istinadən verdiyi xəbərə görə, İsrail mediası Barak Obamanın məhz İrana qarşı hərbi əməliyyatın detallarını müzakirə etmək üçün İsrailə gedəcəyini yazıb. "Channel 10" telekanalı Barak Obamanın nüvə proqramını dayandırmamaqda israr edən İrana iyun ayında hərbi zərbə endirilməsini zəruri saydığı barədə xəbər yayıb. Barak Obama İsrailin baş naziri Binyamin Netenyahu ilə görüşündə İrana qarşı bir hərbi əməliyyat keçirməyə tərəfdar olduğunu bildirəcək. Bu əməliyyat İranın nüvə silahı yaratmaq potensialını aradan qaldırmalıdır.
Qeyd edək ki, İsrail mətbuatı yazır ki, Binyamin Netenyahu keçən il İranın nüvə obyektlərinə hava zərbəsi endirməyi gündəmə gətirsə də, həmin vaxt Barak Obama buna qarşı çıxıb.
Bütün xəbərlər Facebook səhifəmizdə
USD
EUR
GBP
RUB