Cari ilin Mart ayında Yunanıstan borclu olduğu 14.5 mlrd evronu kerditorlara qaytarmalıdır. SİA-nın "Qazet.ru" saytına istinadən verdiyi xəbərə görə, əgər borc qaytarılmasa rəsmi Afina defoltla üzləşməli olacaq. Mətbu orqanın xəbərinə görə, borc içində boğulan hakimiyyət İspaniya – 462 mln dollar, İsveçrə 571 mln dollar, İtaliya 1.87 mlrd dollar, Belgiya – 1.9 mlrd dollar, ABŞ- 2.32 mlrd dollar, Böyük Britaniya – 3.25 mlrd dollar və Fransaya – 10.69 mlrd dollar, Almaniyaya isə 12.41 mlrd dollar borcu var. Rəsmi Afinanın ən çox borcu Avropa Mərkəzi Bankınadır. Belə ki, dövlətin banka borcu 40 mlrd dollardır.
Bu zəmində Yunanıstanda
Avropanın ciddi tədbirlər paketinə qarşı etirazlar davam edir. Ötən gün paytaxt
Afinada keçirilən etiraz aksiyasında 100-dən çox insan iştirak edib.
Etirazçılar yağışlı və küələkli havada Yunanıstan parlamenti qarşısına
yığılıblar. Troyka - yəni Avropa Birliyi, Avropa Bankı və Beynəlxalq Valyuta
Fonduna qarşı şüarlar səsləndirilib. Həmkarlar İttifaqı 24 saatlıq tətil elan
edib. Hökumət isə bu il azı 15 min iş yerinin bağlanacağını bildirib.
Qeyd edək ki, Yunanıstan hökməti maliyyə
böhranından çıxmaq məqsədilə Troykadan 170 milyard dollar məbləğində yeni
kredit paketi əldə etməyə çalışır. Troyka isə bunun üçün Yunanıstandan ölkədə
köklü islahatlara getmək kimi bəzi öhdəliklər tələb edir. Əhali isə artan vergi
və azalan dövlət xərclərinə etirazlarını bildirir.
Bütün xəbərlər Facebook səhifəmizdə
USD
EUR
GBP
RUB