İranda 2011-ci ildə insan haqlarının 1 milyon 120 min 77 dəfə pozulması faktı qeydə alınıb. Bu barədə İran İnsan Haqları Fəalları (HRANA) təşkilatı bəyanat yayıb. Təşkilat ötən il ərzində İranda 529 məhbusun edam edildiyini, 597 siyasi fəalın məhkəmə qərarı ilə azadlıqdan məhrum olunduğunu, 4615 vətəndaşın isə müvəqqəti həbs edildiyini açıqlayıb. Bəyanatda edam edilənlərdən 323 nəfərinin kişi, 6-nın qadın olduğunun dəqiqləşdirildiyi, qalanlarının cinsiyyəti barədə məlum əldə etməyin mümkün olmadığı bildirilir. Edam edilənlərdən 76 faizi narkotik maddələrin alğı-satqısı və istifadəsində, 11 faizi təcavüzdə, 5 faizi isə adam öldürməkdə təqsirləndirilib. Ölüm hökmlərinin 13 faizi Tehranda, 12 faizi Qərbi Azərbaycanda, 10 faizi isə Xorasanda icra edilib. Edam cəzasına məhkum edilənlərdən 61 nəfəri isə əfv olunub.
Şahin Abasov, SİA-nın Almaniyadakı xüsusi müxbiri
Bütün xəbərlər Facebook səhifəmizdə
USD
EUR
GBP
RUB