İran prezidenti Mahmud Əhmədinejad Neft Nazirliyinə müvəqqəti rəhbər təyin edib. SİA-nın xarici mətbuata istinadən verdiyi xəbərə görə, iyunun 2-də Əhmədinejadın sərəncamı ilə Bədən Tərbiyəsi Təşkilatının sabiq rəisi Məhəmməd Əli Abadi neft naziri əvəzi təyin olunub.
Qeyd edək ki, mayın 15-də Əhmədinejad dövlət televiziyasına açıqlamasında Neft Nazirliyinə rəhbərliyi müvəqqəti olaraq öz üzərinə götürdüyünü bildirmişdi. Prezidentin nazirliyə rəhbərliyi öz üzərinə götürməsi hakimiyyət daxilində ciddi etirazla qarşılanıb. İyunun 1-də İran parlamenti Əhmədinejadın Neft Nazirliyi ilə bağlı qərarlarına Məhkəmə Sistemində baxılmasına səs verib. Deputatlar Əhmədinejadın qərarlarının qanuna və konstitusiyaya zidd olduğunu irəli sürüblər.
Bütün xəbərlər Facebook səhifəmizdə
USD
EUR
GBP
RUB