Serbiya prezidenti Aleksandr Vuçiç Belqradda Ohayo Milli Qvardiyasının komandanı general-mayor Con Harris ilə görüşüb. Söhbətdə o, Kosovo və Metoxiyadakı serbləri qorumaq üçün ABŞ-dan dəstək istəyib.
SİA-nın əldə etdiyi məlumata görə, bu barədə RİA Novosti yazır.
Agentliyin məlumatına görə, Harris Serbiyanın müdafiə naziri Bratislav Qasiç və Serbiya Baş Qərargahının rəisi general Milan Moysiloviçlə də danışıqlar aparıb.
Jurnalistlər qeyd ediblər ki, Moysiloviç amerikalı generalı Batajnitsadakı Zastava 2024 manevrlərinə dəvət edib.
Vuçiç Harrislə regiondakı təhlükəsizlik vəziyyətini müzakirə etdiyini, Serbiya ilə ABŞ arasında münasibətlər, eləcə də ikitərəfli hərbi əməkdaşlığın daha da inkişaf etdirilməsi imkanları barədə danışdığını izah edib.
Prezident qeyd edib ki, o, generala Kosovo və Metoxiyadakı serblərin təhlükəsizlik vəziyyətinin getdikcə çətinləşməsindən narahat olduğunu bildirib və ondan serblərin müdafiəsi eləcə də hüquqlarının təmin edilməsində ABŞ-ın dəstəyini gücləndirməyi xahiş edib.
Əli Babayev
Bütün xəbərlər Facebook səhifəmizdə
USD
EUR
GBP
RUB