G7 sammitində ABŞ və Ukrayna 10 illik təhlükəsizlik sazişi imzalayıb. SİA xarici KİV-ə istinadən xəbər verir ki, Bayden və Zelenski razılaşmadan sonra birgə mətbuat konfransı keçirib.
Bayden konfrans zamanı məqsədlərinin Ukraynanın uzunmüddətli etibarlı müdafiə və çəkindirmə imkanlarını gücləndirmək və Ukrayna üçün davamlı sülh yaratmaq olduğunu deyib: “Ukrayna indiki və gələcək hücumlara qarşı özünü müdafiə etmək qabiliyyətini qazanmalı və təmin edilməlidir”.
Bayden ABŞ və Ukrayna arasında ikitərəfli təhlükəsizlik razılaşması, G7 ölkələrinin də dəstəklədiyi Ukraynaya 50 milyard dollarlıq kredit və Rusiyaya qarşı yeni sanksiyalardan ibarət üç yeni tədbirin Ukrayna üçün daha güclü təməl yaradacağını bildirib.
Bayden bəyan edib ki, bu üç böyük addım Rusiya prezidenti Vladimir Putinə zamanla oynamaq və gözləməklə Qərb ittifaqını parçalaya bilməyəcəyini göstərəcək. Zelenski isə sazişin ABŞ-ın Ukraynanın müstəqilliyinə dəstəyinin etibarlılığını nümayiş etdirdiyini qeyd edib.
Bütün xəbərlər Facebook səhifəmizdə
USD
EUR
GBP
RUB