...ABŞ prezidenti Cozef Bayden hesab edir ki, Ukrayna ordusu müharibə zamanı rus qoşunlarını məhv edib. …Qəribədir ki, heç kim bu barədə, baş verənlər haqqında yazmır. Rus ordusu məhv edilir. Yazdığınız bu deyil. Və o, həqiqətən məhv edilib.
SİA-nın əldə etdiyi məlumata görə, dövlət başçısı bunu “Time” jurnalına müsahibəsində deyib.
…Baydenin fikrincə, o, hakimiyyətə gələndən sonra Şimali Atlantika Alyansı xeyli güclənib. Belə ki, o, təşkilatı yenidən qurduğuna və NATO-nu dünya tarixinin ən güclü ittifaqına çevirdiyinə inanır.
Prezident etiraf edib ki, müharibə başa çatdıqdan sonra Ukrayna NATO-ya qəbul olunmaya da bilər, lakin ABŞ Kiyevə hərbi yardımı davam etdirəcək.
….Ukraynada sülh elə görünəcək ki, Rusiya Ukraynanı bir daha heç vaxt, heç vaxt, heç vaxt, heç vaxt işğal etməyəcək. Dünya belə görünəcək. Amma bu o demək deyil ki, Ukrayna mütləq NATO-nun bir hissəsi olacaq. Bu o deməkdir ki, biz Ukrayna ilə silah tədarük etdiyimiz digər ölkələrlə eyni münasibətləri quracağıq.
Bunu bildirən Bayden, Qərb ölkələrinin Ukraynanın məğlub olmasına imkan verəcəkləri təqdirdə, Şərqi Avropa ölkələrində də sabitliyin pozulacağını diqqətə çatdırıb.
…Amma biz nə vaxtsa Ukraynanın uğursuzluğa düçar olmasına icazə versək, sözlərimi qeyd edin: o vaxt Polşanın, Balkanlardan Belarusa qədər Rusiyanın indiki sərhədində yerləşən bütün ölkələrin necə gedəcəyini, hamısını necə özləri nizamlamalı olacaqlarını görəcəksiniz.
Bunları da Bayden deyib.
Yeri gəlmişkən, bu arada Böyük Britaniya Müdafiə Nazirliyinin 2024-cü ilin aprel ayının sonuna olan məlumata görə, Ukraynadakı Rusiya ordusu 450 min ölü və yaralı itkisi verib. Bu rəqəmə Rusiya koloniyalarından on minlərlə məhbusu işə götürən və “ət hücumlarına” atan “Vaqner” kimi özəl hərbi şirkətlərin döyüşçüləri arasında itkilər daxil deyil. Amerika kəşfiyyatı ötən ilin avqustunda Rusiyanın itkilərini 360 min nəfər olaraq qiymətləndirib və onlardan 120 mininin öldüyünü yazıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB