İran Xarici İşlər Nazirliyi etiraz etmək üçün Çinin Tehrandakı səfirini çağırıb. Bu barədə Tasnim agentliyi məlumat yayıb.
Qeyd olunur ki, etiraza səbəb Pekinin Fars körfəzindəki Böyük Tunb, Kiçik Tunb və Əbu Musa adalarının sahibliyi ilə bağlı mövqeyi olub. Bu ərazilər İran və BƏƏ arasında mübahisə obyektidir.
Əvvəllər adaların mülkiyyəti məsələsi BƏƏ prezidenti Şeyx Məhəmməd bin Zayed Əl Nəhyanın Pekinə səfərindən sonra dərc edilmiş Çin-BƏƏ birgə bəyanatında qeyd edilib.
Bəyanatda xüsusilə qeyd olunub ki, Çin BƏƏ-nin beynəlxalq hüquqa uyğun olaraq ikitərəfli danışıqlar yolu ilə adalar məsələsinin sülh yolu ilə həllinə nail olmaq səylərinə dəstək ifadə edib.
“Regnum” xəbər agentliyinin məlumatına görə, mayın 25-də Rusiyanın xarici işlər naziri Sergey Lavrov İranın xarici işlər naziri səlahiyyətlərini icra edən Əli Baqiri Kani ilə telefonla danışıb. Tərəflər Rusiya və İran arasında strateji tərəfdaşlığın formalaşması istiqamətində iki ölkə liderlərinin seçdiyi kursun qeyd-şərtsiz davam etdirilməsinə “möhkəm sadiqliklərini” və bütün mövcud sazişləri və layihələri həyata keçirməyə hazır olduqlarını təsdiqləyiblər. Lavrov həmçinin prezident İbrahim Rəisinin vəfatı ilə bağlı başsağlığı verib.
Qeyd edək ki, bir müddət əvvəl Britaniyanın "The Economist" nəşri Vaşinqtonun yürütdüyü siyasətin Rusiya, Çin və İranın yaxınlaşmasına təsir etdiyini yazmışdı. Qeyd olunub ki, ABŞ-ın simasında ümumi düşmənlə birləşən dövlətlər çoxqütblü dünyanın formalaşmasına və möhkəmlənməsinə dəstək verir. Bundan əlavə, BRİKS dövlətlərarası assosiasiyasının üzvləri olan Moskva, Pekin və Tehran ikitərəfli və qarşılıqlı faydalı əməkdaşlığı, o cümlədən iqtisadiyyat və ticarət sahəsində inkişaf etdirir və dərinləşdirirlər.
Bütün xəbərlər Facebook səhifəmizdə
USD
EUR
GBP
RUB