Hindistan Meteorologiya Departamentinin (HMD) yaydığı məlumata əsasən, Hindistanın paytaxtı Yeni Dehlidə 49,9 dərəcə Selsi rekord temperatur qeydə alınıb. SİA xəbər verir ki, meteoroloqların məlumatına görə, temperatur göstəriciləri gözlənilən normadan doqquz dərəcə artıq olub. Bununla əlaqədar, əhalisi 30 milyondan çox olan Yeni Dehli üçün fırtına xəbərdarlığı və qırmızı təhlükə səviyyəsi elan edilib.
Qırmızı xəbərdarlıq səviyyəsi “hər yaşda olan insanlarda istilik vurması ehtimalı yüksəkdir” və “həssas əhali kateqoriyalarına xüsusi diqqət” siqnalı deməkdir. Meteoroloqlar qeyd edirlər ki, gecə də temperatur yüksək olaraq qalır.
Hindistan Meteorologiya Departamenti, ölkənin şimal-qərbində və mərkəzində istilərin cümə axşamından etibarən tədricən azalacağını bildirib.
Qeyd edək ki, 2022-ci ilin may ayında Dehlinin ayrı-ayrı rayonlarında temperatur 49,2 dərəcə Selsiyə çatıb.
Yeni Dehlinin səlahiyyətli orqanları, isti hava fonunda su təchizatında mümkün fasilələr barədə də xəbərdarlıq ediblər. Su resursları naziri Atşişi Marlena suya qənaət məsələsində əhalini kollektiv məsuliyyətə çağırıb. İndi bəzi rayonlarda ciddi su çatışmazlığı var.
Bir çoxları həddindən artıq isti temperaturu çərşənbə axşamı ölkənin ən yüksək istiliyinin qeydə alındığı Racasthan əyalətindən gələn isti küləklərlə
Qonşu Pakistan da bazar günündən Sind əyalətindəki Mohenco-Daroda 53 dərəcə Selsiyə çatan bir həftəlik istilik dalğasından əziyyət çəkir. Pakistan Meteorologiya İdarəsi çərşənbə günündən etibarən temperaturun azalacağını gözləyir, lakin iyun ayında yeni istilik dalğaları ehtimalı barədə xəbərdarlıq edib.
Bununla bağlı Pakistan Beynəlxalq Valyuta Fondu ilə ölkənin bəzi bölgələrində elektrik kəsintilərinin gündə 15 saata qədər davam etməsinə səbəb olan enerji böhranına dair yeni saziş üzrə danışıqlar aparır.
Bütün xəbərlər Facebook səhifəmizdə
USD
EUR
GBP
RUB