...Rusiya Təhlükəsizlik Şurasının sədr müavini Dmitri Medvedev “VKontakte” sosial şəbəkəsindəki səhifəsində Ukrayna ərazisindəki NATO əsgərlərinə qarşı mümkün qədər sərt münasibət göstərməyə çağırıb.
Siyasətçi qeyd edib ki, Qərb liderləri son vaxtlar tez-tez NATO qoşunlarının Ukraynaya göndərilməsi mövzusunu gündəmə gətirirlər. Onlar guya heç bir müdaxilə planlaşdırılmadıqlarını da bəyan edirlər.
Amma ayrı-ayrı birləşmələrin Ukrayna ordusunun yükünü yüngülləşdirmək üçün Lvov ərazisinə və bəlkə də Kiyevə daxil olacaqlarını onlar özləri də etiraf edirlər.
Medvedevin dediyinə görə, dövlət və hökumət başçıları öz ölkələrinin əhalisini sakitləşdirir, sakinlərini “tabutların az olacağına”, rusları isə böyük müharibənin olmayacağına inandırırlar.
Rusiyalı rəsmi Qərbin bütün dünyanı axmaq kimi qəbul etdiyini deyir. O, izah edib ki, NATO ölkələrinin istənilən bölmələri Ukrayna Silahlı Qüvvələrinin zabitlərinin əmrlərini yerinə yetirməli olacaq. Nəticə etibarilə, onlar təkcə təlimatçı kimi xidmət etməyəcək, həm də Rusiya Silahlı Qüvvələrinə qarşı döyüşən nizami qüvvələrin bir hissəsi olacaqlar.
Bu baxımdan, Rusiya Təhlükəsizlik Şurasının sədr müavini vurğulayıb ki, NATO üzvlərinə yalnız düşmən, xüsusi düşmən kimi - elit birləşmələr, “Hitlerin SS-ləri kimi cəzaçılar” kimi yanaşmaq olar.
...Bu xaricdəki nitlərlə bağlı olaraq, müharibəyə məcburi cəlb edilmiş bəzi bədbəxt ukraynalılardan fərqli olaraq, yalnız bir qayda tətbiq oluna bilər. Əsir götürməyin! Öldürülən, partladılan və ya yandırılan hər bir NATO üzvü üçün maksimum bonus verilməlidir. Və cəsədləri onlara verməyin. Qoy qohumlar yad ölkədə əzab çəksin.
SİA-nın rus saytlarından əldə etdiyi məlumata görə, bunu da Medvedev deyib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB