Qəzzaya çatdırılmaq üçün Türkiyə Qızıl Ayparasının rəhbərliyi ilə hazırlanan 2 min 737 ton humanitar yardım materialını daşıyan 7-ci gəmi Mersin Beynəlxalq Limanından yola salınıb.
SİA-nın əldə etdiyi məlumata görə, Türkiyə Qızıl Aypara, Müstəqil Sənayeçi və İş Adamları Dərnəyi (MÜSİAD), donorlar və digər qeyri-hökumət təşkilatları ilə əməkdaşlıq çərçivəsində hazır yemək, su, un, geyim, gigiyena, çadır, ədyal, sığınacaq materialları, tibbi və uşaq ləvazimatları olan ərzaq bağlamaları MARİN adlı gəmiyə yüklənib.
Gəmi Mersin Beynəlxalq Limanından mərasimlə yola salınıb.
İndiyədək Türkiyədən Qəzza üçün 12 təyyarə və 6 gəmi göndərilib.
Ən çox yardım miqdarı isə bu gün yola salınan gəmidə olub.
Yardım əvvəlcə Misirin Əl Ariş limanına göndəriləcək, daha sonra yük maşınlarına yüklənərək Qəzzaya göndəriləcək.
Bütün xəbərlər Facebook səhifəmizdə
USD
EUR
GBP
RUB