Bu gün amerikalı seçicilərin əksəriyyəti Baydenin əsas məsələlərdə uğursuzluğa düçar olduğunu deyir.
SİA-nın əldə etdiyi məlumata görə, “Fox News” kanalın yeni sorğusuna istinadən xəbər verir.
Beləliklə, ABŞ sakinlərinin əksəriyyəti Baydenin işini bəyənmir, ölkədə işlərin gedişatından narazıdır və administrasiyanın əsasən milli prioritetləri yerinə yetirə bilmədiyini deyirlər.
Reallıq budur ki, bu gün sorğunun nəticələrinə görə, seçicilərin 58 faizi hazırkı prezidentin fəaliyyətini bəyənmir. Bununla belə, Baydenin ən pis reytinqləri sərhəd təhlükəsizliyi ilə bağlıdır. Belə ki, ölkə əhalisinin 71 faizi administrasiyanın sərhəddəki vəziyyəti yaxşılaşdıra bilmədiyini, yalnız 24 faiz isə böyük ölçüdə uğur qazandığını söyləyir.
Bununla belə, respondentlərin 78 faizi cənub sərhədindəki vəziyyəti ya fövqəladə vəziyyət, ya da ciddi problem kimi qiymətləndirir.
Bundan əlavə, sorğuda iştirak edənlərin 69 faizi Baydenin ölkəni birləşdirə bilmədiyini deyir.
Respondentlərin 63 faizi ölkənin təhlükəsizliyini, 61 faizi isə iqtisadiyyatı idarə etməkdə və Amerikanın dünyada imicini yaxşılaşdırmaqda uğursuz olduğunu bildirib.
Bundan əlavə, sorğuda iştirak edənlərin 58 faizi onun əsasən amerikalı fəhlə sinfinə kömək edə bilmədiyini deyir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB