Almaniyada fermerlər Sosial Demokrat Partiyası (SPD), Yaşıllar və Azad Demokrat Partiyasından (FDP) ibarət koalisiya hökumətinin kənd təsərrüfatı sektorunda subsidiyaları ləğv etmək planına qarşı ölkə daxilində nümayişlər keçirib. SİA xarici mətbuata istinadən xəbər verir ki, traktorları ilə paytaxt Berlinə gələn fermerlər və yük maşını sürücüləri Brandenburq darvazasının qarşısına toplaşıb “konvoy” təşkil edərək, Meklenburq-Ön Pommern, Bavariya, Reynland-Plaz, Saksoniya və digər əyalətlər də daxil olmaqla bir çox əyalətdə traktor və yük maşınları ilə magistral yolun girişlərini bağlayıblar. Almaniya hökumətinin kənd təsərrüfatı dizelinə verilən subsidiyaların ləğvi və nəqliyyat vasitələrinin vergidən azad edilməsinə son qoyma planına etiraz edən fermerlər Almaniyanın bir çox yerində traktorları ilə nəqliyyatın hərəkətində axsamalara səbəb olublar. Alman logistika sənayesinin dəstəklədiyi fermerlərin etiraz aksiyasında yük maşını və digər ağır nəqliyyat vasitələri sürücüləri maşınları ilə iştirak edib. Nümayişlər zamanı logistika sektoru hökumətdən magistral yol haqlarını azaltmağı, körpü və yolları modernləşdirməyi xahiş edib.
Bütün xəbərlər Facebook səhifəmizdə
USD
EUR
GBP
RUB