ABŞ Hərbi Dəniz Qüvvələrinin nüvə mühərrikli təyyarədaşıyan gəmisi “Dwight Eisenhower” Qırmızı dənizin sularına daxil olub.
SİA-nın əldə etdiyi məlumata görə, “İnterfaks” bu barədə ABŞ Hərbi Dəniz İnstitutunun informasiya xidmətinə istinadən xəbər verir.
Qeyd olunur ki, aviadaşıyıcı Yəmən sahilləri yaxınlığında yerləşən zərbə qrupuna başçılıq edir. Üstəlik, “Dwight Eisenhower” əvvəllər Ədən boğazında idi. Təyyarədaşıyan gəmi ilə yanaşı, zərbə qrupuna 48 F/A-18 qırıcı-bombardmançı təyyarəsi, idarə olunan raket kreyseri Filippin dənizi və Gravely, Stethem, Carney, Mason və Laboon esminesləri də daxildir.
Qrupdan gəmiçiliyi Yəmən husilərinin hücumlarından qorumaq məqsədi daşıyan regionda “Rifahat keşikçisi” əməliyyatı keçirməsi tələb olunacaq.
Xatırladaq ki, dekabrın 15-də Danimarkanın gəmiçilik şirkəti Maersk tərəfindən idarə olunan konteyner gəmisi Qırmızı dənizin sularını keçərkən Yəmən husilərinin hücumuna məruz qalıb. Daha sonra ABŞ səlahiyyətliləri müttəfiqlərlə koalisiya yaradıldığını və kommersiya gəmilərini yəmənli husilərin dronlarından və raketlərindən qoruyacaq Rifahın Mühafizəsi əməliyyatının başlandığını elan ediblər.
Nazlı
Bütün xəbərlər Facebook səhifəmizdə
USD
EUR
GBP
RUB