Rusiya Federasiyası Dövlət Dumasının deputatı, LDPR partiyasının sədri Leonid Slutski, Avropa İttifaqının 12-ci sanksiyalar paketi ilə Rusiyaya qarşı iqtisadi təcavüzü davam etdirməsini, eyni zamanda seçkilərə müdaxilə etməsini, senzura təşkil etməsini Brüsselin özünə zərər verəcəyini bildirib.
SİA-nın əldə etdiyi məlumata görə, bu barədə xəbəri TASS yayıb.
Onun fikrincə, yeni məhdudiyyətlər Rusiya tərəfinə qarşı iqtisadi təcavüzün davamıdır.
Slutski hesab edir ki, Rusiya sanksiyaların bütün dalğalarına tab gətirdi, iqtisadiyyat 18 min məhdudiyyətə baxmayaraq inkişaf edir.
O vurğulayıb ki, bu, Avropa biznesi ilə baş vermir. Parlamentari əlavə edib ki, Rusiya Federasiyası Mərkəzi Seçki Komissiyasının üzvlərinə və bir sıra televiziya kanallarına qarşı sanksiyalar seçkilərə müdaxilə, həmçinin “vulqar senzura”dır.
Bundan əvvəl məlum olub ki, Avropa İttifaqının 12-ci anti-Rusiya sanksiyaları paketinə 61 nəfər və 86 hüquqi şəxs daxildir.
Qeyd edək ki, Sanksiyalara “Spas” və “Tsargrad” telekanalları, Rusiya Federasiyası Mərkəzi Seçki Komissiyasının (MSK) 14 üzvü və Rusiya Təhlükəsizlik Şurasının sədr müavini Dmitri Medvedevin oğlu İlya da daxildir.
Nazlı
Bütün xəbərlər Facebook səhifəmizdə
USD
EUR
GBP
RUB