...Bu arada Almaniyada ölkədə qadağan olunmuş “HƏMAS” və “Samidun” təşkilatlarının üzvləri və tərəfdarlarının evlərində axtarışlar aparılıb.
SİA-nın əldə etdiyi məlumata görə, Qəzza zolağında hökmranlıq edən Fələstinin radikal “HƏMAS” qruplaşması ABŞ və Avropan İttifaqı tərəfindən terrorçu kimi tanınır. Almaniya Daxili İşlər Nazirliyinin məlumatına görə, polis Almaniyanın dörd federal əyalətində - Berlin, Aşağı Saksoniya, Şimali Reyn-Vestfaliya və Şlezviq-Holşteyndə cümə axşamı səhər saatlarından 15 obyektdə axtarış aparır. Deyilənlərə görə, hazırda Berlində bu təşkilatlarla əlaqəli on bir sayt fəaliyyət göstərir. Onlardan 7-si “HƏMAS”, 4-ü “Samidun” dərnəyi ilə bağlıdır.
Söhbət ilk növbədə qadağan olunmuş təşkilatların tərəfdarlarının mənzillərindən gedir. Almaniya paytaxtında keçirilən əməliyyatda 300-dən çox polis əməkdaşı iştirak edir.
Berlindəki axtarışlar ilk növbədə Almaniyanın Fələstin Cəmiyyətinə aiddir. Bu barədə NDR və MDR yayım şirkətləri məlumat yayıb.
Yenə də deyilənlərə görə, onun üzvləri arasında “HƏMAS” tərəfdarları da var.
Bu il oktyabrın 7-də “HƏMAS”-ın İsrailə hücumundan sonra qrup müntəzəm olaraq müxtəlif nümayişlərə çağırıb.
Bu etirazlar zamanı etirazçılar antisemit şüarlar səsləndirib və polis əməkdaşlarına hücum ediblər. Daxili işlər naziri Nensi Feserin dediyi kimi, ölkə hakimiyyəti radikal islamçılara qarşı ardıcıl tədbirləri davam etdirir.
Feser vurğulayıb ki, islamçılar və antisemitlər Almaniyanın heç bir yerində özlərini rahat hiss edə bilməzlər və etməməlidirlər.
Yeri gəlmişkən, Konstitusiyanın Mühafizəsi Bürosunun hesablamalarına görə, Almaniyada “HƏMAS”-ın 450-yə yaxın tərəfdarı var.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB