Hollandiyanın baş naziri vəzifəsini icra edən Mark Rutte oktyabrın 28-də Hollandiyanın “Den Haag FM” radiosuna müsahibəsində NATO-nun baş katibi olmaq istədiyini bildirib.
Ruttenin sözlərinə görə, o, öz imkanlarını bu vəzifə üçün kifayət qədər yaxşı hesab etmir. Rutte belə bir rolun maraqlı olacağını izah edib, çünki böyük qlobal dəyişikliklər zamanı beynəlxalq arenaya töhfə verməyə imkan verəcək. Hollandiya hökumətinin başçısı onu da qeyd edib ki, alyansın yeni baş katibi vəzifəsinə qadının gəlmə ehtimalı yüksəkdir.
Qeyd edək ki, Rutte 2010-cu ilin əvvəlindən Hollandiya hökumətinə rəhbərlik edir, bu ilin iyul ayına qədər baş nazir vəzifəsində çalışıb. Sonradan hakim koalisiya arasında miqrasiya siyasəti ilə bağlı fikir ayrılığına görə o və hökuməti istefaya getməyə məcbur olub.
Rutte hazırda seçkilər keçirilənə və yeni koalisiya hökuməti yaradılana qədər Hollandiyanın baş naziri vəzifəsini icra edir.
Xatırladaq ki, NATO-nun baş katibi postu gələn ilin payızında, Yens Stoltenberqin səlahiyyətləri başa çatdıqdan sonra boş qalacaq.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB