Konqo Demokratik Respublikasının (KDR) Cənubi Kivu əyalətində güclü leysan yağışların səbəb olduğu sel fəlakətində həyatını itirənlərin sayı 438-ə yüksəlib. SİA bu barədə Tükiyə saytlarına istinad edir.
KDR hökumət sözçüsü Patrik Muyaya ötən həftə Cənubi Kivu əyalətinin Buşuşu və Nyamukubi kəndlərində baş verən sel fəlakəti nəticəsində itkin düşən 26 nəfərin cəsədləri ilə ölənlərin sayının 438-ə yüksəldiyini bildirib.
Daşqın nəticəsində itkin düşənlərin sayı ilə bağlı hələlik rəsmi rəqəmin olmadığını bildirən Muyaya əlavə edib ki, qeyri-hökumət təşkilatlarının məlumatına görə, 4000-dən çox adam hələ də itkindir.
Ötən həftə bölgəyə yağan güclü yağışlar Çibira çayının daşmasına səbəb olub.
Tropik iqlim zonasında yerləşən KDR yağış mövsümündə tez-tez təbii fəlakətlərlə üzləşir.
Bütün xəbərlər Facebook səhifəmizdə
USD
EUR
GBP
RUB