Prezident Rəcəb Tayyib Ərdoğan Finlandiyanın NATO üzvlüyü ilə bağlı üzərlərinə düşən vəzifəni yerinə yetirəcəklərini, verdikləri sözü tutacaqlarını bildirib.
Türkiyə Böyük Millət Məclisindəə sədri olduğu Ədalət və İnkişaf Partiyasının (AK Partiya) qrup toplantısından sonra Prezident Ərdoğan Finlandiyanın NATO-ya üzvlüyü ilə bağlı jurnalistlərin suallarını cavablandırıb.
Ərdoğan "Proses nə olursa olsun, o prosesi davam etdirəcəyik. Biz də üzərimizə düşəni edəcəyik. Vədimizi yerinə yetirəcəyik. Cümə günü hörmətli prezidentlə görüşüb vədimizi yerinə yetirəcəyik" deyə bildirib.
Türkiyə Prezident Administrasiyasının Kommunikasiya İdarəsinin məlumata görə, Finlandiya Prezidenti Sauli Niinistö Ərdoğanın dəvəti ilə martın 16-17-də Türkiyeyə işgüzar səfər edəcək.
Cümə günü, martın 17-də İstanbulda keçiriləcək görüşlərdə Türkiyə-Finlandiya münasibətlərinin bütün aspektləri nəzərdən keçiriləcək və əməkdaşlığın yaxşılaşdırılması üçün atılacaq addımlar müzakirə olunacaq.
İkitərəfli əlaqələrlə yanaşı, NATO-nun Madrid Zirvə Toplantısı çərçivəsində imzalanmış Üçtərəfli Memorandum əsasında Finlandiyanın NATO-ya üzvlük müraciəti, Türkiyə-Avropa İttifaqı münasibətləri, aktual regional və qlobal problemlər ətrafında fikir mübadiləsinin aparılması da nəzərdə tutulub.
Türkiyə iyunun 28-də İspaniyanın paytaxtı Madriddə keçirilən NATO sammitində üzvlük üçün müraciət edən Finlandiya və İsveçə veto qoyur. Terror təşkilatlarına açıq dəstək verən iki ölkə ilə protokol imzalayan Ankara verilən vədlərin yerinə yetirilməsini gözləyir.
Bütün xəbərlər Facebook səhifəmizdə
USD
EUR
GBP
RUB