Litva Prezidenti Qitanas Nauseda Türkiyə Prezidenti Rəcəb Tayyib Ərdoğanın dəvəti ilə paytaxt Ankaraya səfər edib.
SİA-nın əldə etdiyi məlumata görə, Rəcəb Tayyib Ərdoğan Türkiyəyə səfər edən Litva Prezidenti Qitanas Nausedanı Prezident İqamətgahında qarşılayıb.
Daha sonra görüş keçirən liderlər ikitərəfli münasibətlərin bütün aspektlərini nəzərdən keçiriblər.
Türkiyə ilə Litva arasında mövcud əməkdaşlığın inkişaf etdirilməsi istiqamətində atılacaq addımlar qiymətləndirilib.
Liderlərin regional və beynəlxalq məsələləri də müzakirə etdikləri bildirilib.
Liderlər həmçinin iyul ayında da Litvada keçiriləcək NATO Dövlət və Hökumət Başçıları Sammiti ilə Türkiyə-Avropa İttifaqı münasibətlərini müzakirə ediblər.
Rəcəb Tayyib Ərdoğanın litvalı həmkarı ilə keçirdiyi görüşdə Türkiye Prezidenti Administrasiyasının İctimaiyyətlə Əlaqələr İdarəsinin rəhbəri Fəxrəddin Altun da iştirak edib.
Bütün xəbərlər Facebook səhifəmizdə
USD
EUR
GBP
RUB