İranın Ali Rəhbəri Ayətullah Əli Xamenei bir çoxu hökumət əleyhinə son etirazlarda həbs edilmiş “on minlərlə” məhbusu əfv edib.
SİA-nın əldə etdiyi məlumata görə, xəbəri bazar günü dövlət mediası yayıb.
Qeyd olunur ki, təhlükəsizliklə bağlı ittiham olunan şəxslər azadlığa buraxılır. Xarici strukturlara casusluqda ittiham olunmayan, xarici agentlərlə birbaşa əlaqədə, qəsdən adam öldürmədə və ya sağlamlığa zərər vurmada, dövlət əmlakına ziyan vurmada və yandırmada ittiham olunmayan şəxslər əfv olunacaqlar. O da vurğulanır ki, əfv aktı 1979-cu il İslam inqilabının növbəti ildönümünə həsr olunub.
Xatırladaq ki, İranda sentyabr ayında vitse-polis tərəfindən saxlanılan qadının ölümündən sonra hakimiyyətə qarşı etirazlar başlayıb. 22 yaşlı Mahsa Amini İranın qadınlar üçün sərt geyim qaydalarını pozaraq “uyğunsuz” hicab geyindiyi iddiası ilə həbs edilmişdi.
Hökumət rəsmiləri hələ də davam edən etirazları xaricdəki qüvvələrin dəstəklədiyi iğtişaşlar kimi xarakterizə edirlər. İnsan haqları qruplarının məlumatına görə, kütləvi aksiyalar zamanı 70-i azyaşlı olmaqla 500-dən çox nümayişçi öldürülüb, 20 minə yaxın insan isə nəzarətə götürülüb. Asılaraq ilk edamlar haqqında məlumat yayıldıqdan sonra ölkə daxilində etirazlar yavaş-yavaş səngiməyə başlayıb.
Beləliklə, Əli Xamneyinin fərmanı ilə əlaqədar olaraq, ölkənin məhkəmə hakimiyyəti başçısının müavini Sadiq Rəhimi izah edib ki, əfv hüququ olan məhbuslar etdiklərinə görə peşman olduqlarını, əks halda dəmir barmaqlıqlar arxasında qalacaqlarını yazılı şəkildə bəyan etməlidirlər.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB