2022-ci ilin avqust ayından bəri Venesuelanın La Quaira limanındakı yanalma körpüsündə dayanmış Panama quru yük gəmisi “Leros 1”dəki rus dənizçiləri tələb olunan həcmdə ərzaq, maaş, lazımi texniki və inzibati yardım almayıblar, kapitan Albert Fazliev bildirib.
Qeyd olunur ki, dedveyti (“ölü” çəkisi-A.B.) 24,8 min ton olan “Leros 1” quru yük gəmisi Panamada qeydə alınıb. Gəminin sahibi Balena Marine Inc (Liberiya), operatoru Sparta Shipmanagement Ltd (Kipr), sığorta şirkəti Arsenal Insurance Co, Moskva (Rusiya) şirkətidir.
Gəminin göyərtəsində 13 rusiyalı və beş indoneziyalı dənizçidən ibarət ekipaj var.
Sahibləri gəmini avqust ayında Venesuela limanlarından birində təmir etmək üçün yük xəttindən çıxarıblar. Bundan sonra yüklərin daşınmasına qayıtmaq planlaşdırılırdı.
Planlar yalnız qismən həyata keçirildi - gəmi La Guaira estakadasında dayandı. Bundan əlavə, kapitanın sözlərinə görə, təchizat və maaşlarla bağlı problemlər başladı.
“Avqust ayından bizə ərzaq məhsulları yarıya endirilib. Bir aya sifariş verirsən, iki həftəyə gəlir. Əlavə olaraq iki aydır ki, üç aydır maaş verilmir”, - bunu Albert Fəzliyev bildirib.
Kapitan izah edib ki, əməliyyat şirkəti gecikmələri gəmi sahibi şirkətin ödəməməsi ilə izah edib. Buna görə də onun maaş və yemək üçün pulu yoxdur.
Ekipajın kömək üçün Rusiyanın Karakasdakı səfirliyinə, ITF həmkarlar ittifaqı federasiyasına, gəmiyə xidmət göstərən Moskva sığorta şirkətinə və Panama Dəniz Administrasiyasına müraciət etdiyi bildirilir.
Fəzliyev qeyd edib ki, Rusiya diplomatik missiyası, eləcə də həmkarlar ittifaqları dənizçilərin müraciətlərinə cavab verib. O əlavə edib ki, ekipajın bütün sıravi üzvləri gəminin istismardan çıxarılması üçün ərizələr yazıblar.
Komanda müqaviləyə uyğun olaraq pulun tam ödənilməsini və vətənə qayıtmasını tələb edir”, - deyə kapitan fikrini yekunlaşdırıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB