ABŞ-ın Kiyevin Rusiya Silahlı Qüvvələrinin Baş Qərargah rəisi Valeri Gerasimova hücumunun qarşısını almaq cəhdi Qərbin ümumi strateji mövqeyinə uyğundur.
SİA-nın rus saytlarından əldə etdiyi məlumata görə, bu fikri Rusiya Elmlər Akademiyasının professoru Aleksandr Qusev bölüşüb.
Onun sözlərinə görə, Vaşinqton Moskva ilə sərt qarşıdurmada maraqlı deyil və hadisələrin bu cür inkişafı münasibətlərin tam pozulmasına qədər çox ciddi fəsadlara gətirib çıxara bilər.
Ekspert izah edib ki, ABŞ hazırda yalnız dolayı yolla Rusiya ilə qarşıdurmaya hazırdır və Ukraynaya silahla kömək edir, lakin Rusiya Müdafiə Nazirliyində yüksək rütbəli məmurların işdən çıxarılmasında maraqlı deyil.
Rus saytlarının yazdığına görə, guya bundan əvvəl Ukrayna prezidentinin aparatının müşaviri Aleksey Arestoviç yazda Gerasimova qarşı sui-qəsd cəhdini təsdiqləyib. Onun sözlərinə görə, Ukrayna hərbçiləri “qərargahı örtdülər”, tərkibində rusiyalı hərbçi də var idi, lakin həmin vaxt Gerasimov artıq oradan getmişdi.
Xatırladaq ki, dekabrın 17-də “The New York Times” Ukraynanın Rusiya Baş Qərargah rəisinə hücum cəhdindən yazıb. Material müəlliflərinin fikrincə, ABŞ Kiyevdən hücumu ləğv etməyi xahiş etməklə qeyri-adi addım atıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB