Rusiya Federasiyası Təhlükəsizlik Şurasının sədr müavini Dmitri Medvedev ABŞ və Avropanın tezliklə qalmaqalla ayrılacağını istisna etməyib.
SİA-nın rus saytlarından əldə etdiyi məlumata görə, o, aparıcı Avropa istehsalının ABŞ-a köçürülməsini şərh edib.
“ABŞ və Avropa arasındakı nikahın çirkli qalmaqalla və birgə əldə edilmiş əmlakın sönük bölünməsi ilə bitməsi üçün hər cür şans var”, - deyən Medvedev tərəflər arasındakı vəziyyəti aydın iqtisadi xəyanət və öhdəlikləri yerinə yetirməkdən imtina ilə bağlayıb.
Maraqlıdır ki, Təhlükəsizlik Şurasının sədr müavini, ABŞ-ın gəlirlərini Avropa ilə bölüşmək istəyinin olmamasına işarə edib.
Medvedev həmçinin qeyd edib ki, ABŞ hakimiyyəti subsidiyalar və vergi güzəştləri vasitəsilə Avropa İttifaqının aparıcı şirkətlərinin öz iqtisadiyyatlarına sürətli inteqrasiyası üçün öz ərazisində şərait yaradır.
“Nəticə etibarı ilə Avropa ölkələri “mazoxist çılğınlıq içində” məhdudiyyətlər tətbiq etdilər ki, bu məhdudiyyətlər çox güman ki, “ona ağrı verir”.
Qeyd edək ki, bunu deyən Medvedevə görə, guya ABŞ müştəriləri ölkədə istehsal olunanları almağa fəal şəkildə təşviq edir. Medvedev şirkətlərin Avropa İttifaqında biznesi inkişaf etdirmək imkanlarının olmadığını qeyd edib.
Xatırladaq ki, bir müddət bundan əvvəl Medvedev “düşmənləri” Rusiyanın ehtiyatlarının və imkanlarının tükənməsini gözləməməyə çağırmışdı.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB