Suriyada Bəşər Əsəd rejimi şimalda yerləşən Hələb şəhər mərkəzində separatçı terror təşkilatı PKK/YPG-nin işğalı altında olan Şeyx Maksut və Eşrefiyye bölgələrinə yanacaq nəqliyyatını dayandırıb.
SİA xəbər verir ki, yerli mənbələrdən əldə edilən məlumata görə, Əsəd rejimi Hələbdə PKK/YPG terrorçularının yerləşdiyi Şeyx Maksut və Eşrefiyye rayonlarında sentyabrın 18-də separatçı təşkilatın qondarma yerli şurasını dəyişdirmək istəyib.
Mənbələr terror təşkilatının bu tələbə etiraz etdiyini və rejim qüvvələrinin noyabrın 26-dan etibarən Şeyx Maksut və Eşrefiyyeyə yanacaq girişinə qadağa qoyduğunu qeyd edib.
Yanacaq böhranı səbəbindən bu məhəllələri elektrik enerjisi ilə təmin edən generatorların əksəriyyəti sıradan çıxıb.
Qeyd edək ki, Əsəd rejimi 2012-ci ildə xalq hərəkatları və silahlı müqavimətin artması ilə ölkənin şimalındakı bəzi əraziləri PKK/YPG-yə qarşı silahlı hərəkətə keçməmək şərti ilə tərk edib. Bu şəkildə PKK/YPG Hələbin şəhər mərkəzində yuxarıda adı çəkilən məhəllələrdə yerləşməyə başlayıb.
Təşkilat 2016-cı ildə rejimdə Şeyx Maksut rayonu və Rusiyanın Hələbi mühasirəyə alması və ələ keçirməsi vasitəsilə strateji dəstək verib.
Rejim əlində saxladığı Hələbin mərkəzində PKK/YPG-nin olmasına göz yumduğu halda, təşkilat da öz növbəsində Haseke vilayətinin bəzi nöqtələrində rejimin mövcudluğuna şərait yaradır.
Ölkənin şimal-şərqində yerləşən Hasekedə tərəflər zaman-zaman burada hökmranlıq mübarizəsi üçün qısamüddətli toqquşmalara üz tuturlar.
Bütün xəbərlər Facebook səhifəmizdə
USD
EUR
GBP
RUB