Güləş üzrə yeniyetmələrin təsnifat yarışları davam edir

Helsinki Olimpiadasının gümüş mükafatçısı Rəşid Məmmədbəyovun xatirəsinə yeniyetmə sərbəst və yunan-Roma güləşçiləri arasında Respublika turnirinə vəsiqə uğrunda regionlar üzrə təsnifat yarışları davam edir.  Azərbaycan Güləş Federasiyasının (AGF) mətbuat xidmətindən SİA-ya verilən məlumata əsasən, artıq AGF-nin 3 saylı nümayəndəliyinin təsnifat yarışları başa çatıb.
Quba Olimpiya İdman Kompleksində keçirilən sərbəst güləş üzrə təsnifat yarışlarında 53 pəhləvan iştirak edib. Bu görüşlərdə Bəhram Mürşüdov (42 kq, Şamaxı), Məsim Qədirli (46 kq, Şamaxı), Ülvi Nəzərov (50 kq, Xaçmaz), Kamran Kərimov (54 kq, Şamaxı), Elvin Abdullayev (58 kq, Xaçmaz), Əziz Əzizov (63 kq, Xaçmaz), Şamil Gülməmmədov (69 kq, Şamaxı), Sadiq  Mütəllimov (76 kq, Şamaxı) və Elnur Məmmədov (85 kq, Xaçmaz) bütün rəqiblərindən üstün olublar.
Yunan-Roma güləşi üzrə təsnifat yarışları Qusar Olimpiya İdman Kompleksində keçirilib və 44 pəhləvan iştirak edib. Yunan-Roma güləşi yarışlarında Orxan Qayınxanov (42 kq, Qusar), Tingin Kərimov (46 kq, Qusar), Abbas Niftəliyev (50 kq, Quba), Həşimbala Heydərov (54 kq, Qusar), Amid Paşayev  (58 kq, Qusar), Orxan Sirxayev (63 kq, Qusar), Radim Babayev (69 kq, Qusar), Orxan Əbiyev (76 kq, Qusar) və Pərvin Həsənov (85 kq, Qusar) qalib olublar. 100 kq çəki dərəcəsində iştirakçı olmayıb.

Bütün xəbərlər Facebook səhifəmizdə

loading...