Dövlət Sərhəd Xidməti tərəfindən narkotik vasitələrin, psixotrop maddələrin qanunsuz dövriyyəsinə və digər qaçaqmalçılığa qarşı tədbirlər davam etdirilir. SİA-nın verdiyi məlumata görə, 03 noyabr 2019-cu il tarixdə saat 07:30 radələrində Astara şəhəri yaxınlığında yerləşən sərhəd zastavasının xidməti ərazisində İran İslam Respublikasından Azərbaycan Respublikası istiqamətində dövlət sərhədini pozaraq ölkə ərazisinə narkotik maddə gətirən bir nəfər naməlum şəxs həmin ərazidə xidmət aparan sərhəd naryadı tərəfindən aşkar edilib.
Sərhədçilərin qanuni tələblərinə əməl etməyən sərhəd pozucusunun təqibi zamanı o, əlindəki çantanı ataraq relyefin mürəkkəbliyindən istifadə edərək İİR istiqamətində geri qaçıb.
Hadisə yerinə baxış zamanı sərhəd pozucusunun yerə atdığı çantada qanunsuz yolla AR ərazisinə keçirilmiş külli miqdarda narkotik vasitə olan 12 kq 730 qram“Kakos”, 7945 ədəd“Metadon 40” psixotrop maddə və bir ədəd soyuq silah (xəncər) aşkar edilərək götürülüb.
Fakt üzrə əməliyyat-istintaq tədbirləri davam etdirilir.
Bütün xəbərlər Facebook səhifəmizdə
USD
EUR
GBP
RUB