Şəmkirdə çağırış yaşı çatan və həqiqi hərbi xidmətdən möhlət hüququ olmayan gənclərin ordu sıralarına təntənəli yola salınması artıq ənənəyə çevrilib. SİA-nın bölgə müxbirinin verdiyi məlumata əsasən çağırışçı gənclər əvvəlcə ümummilli lider Heydər Əliyevin abidəsini ziyarət edib, ulu öndərə hörmət və ehitramlarını ifadə ediblər. Sonra gənclər Səfərbərlik və Hərbi Xidmətə Çağırış Üzrə Dövlət Xidmətinin Şəmkir rayon şöbəsində həkim müayinəsindən keçiblər. Rəsmi hissədə çıxış edən Səfərbərlik və Hərbi Xidmətə Çağırış Üzrə Dövlət Xidmətinin Şəmkir rayon şöbəsinin rəisi Şaiq Məmmədov həqiqi hərbi xidmətə çağırılan gəncləri təbrik edərək onlara xidmətdə uğurlar arzulayıb. Qeyd edilib ki, bu gün rayonda ordudan yayınma halları tamami ilə aradan qaldırılıb. Şəmkir rayon İcra Hakimiyyəti başçısnın müavini Fəxrəddin Vəliyev Azərbaycan ordusunun inkişafından, maddi- texniki bazanın daha da möhkəmlənməsindən danışıb. Əminliklə vurğulanıb ki, Azərbaycan ordusu öz torpaqlarını düşmən tapdağından azad etməyə hər an hazırdır. Tədbirdə ordudan tərxis olunan gənclərə hərbi biletlər verilib. Şən mahnı və rəqslərlə davam edən mərasimin sonunda çağırışçı gənclər xüsusi avtobuslarla hərbi hissələrə yola düşüblər.
İlham Məmmədzadə
.jpg)
Bütün xəbərlər Facebook səhifəmizdə
USD
EUR
GBP
RUB