Azərbaycan Respublikası Gənclər Təşkilatları Milli Şurasının (ARGTMŞ) təşkilatçılığı ilə "Sodrujestvo" beynəlxalq gənclər təşkilatının icraçı direktoru Maqomed Aliyevin Bakı şəhərinə növbəti səfəri reallaşıb. SİA-nın məlumatına görə, səfər MDB, Baltikyanı və Qafqaz ölkələrinin gəncləri arasında əməkdaşlıq əlaqələri qurulması və mövcud əlaqələrinnin təkmilləşdirilməsi məqsədilə baş tutub.
Maqomed Aliyev səfəri çərçivəsində Azəbaycan Respublikası Gənclər və İdman nazirinin müavini İntiqam Babayevlə görüşüb. Görüş zamanı Azərbaycanda aparılan gənclər siyasəti, eləcə də Gənclər və İdman Nazirliyi tərəfindən görülən işlər haqqında məlumat verilib və hər iki qurum arasında əməkdaşlıq əlaqələrindən bəhs olunub.
Səfəri çərçivəsində beynəlxalq gənclər təşkilatının rəhbərinin növbəti görüşü Azərbaycan Respublikası Prezidenti yanında Gənclər Fondunda baş tutub. Görüş zamanı Azərbaycan Gənclər Fondunun aparat rəhbəri Faiq Qürbətov və Gənclər Fondunun Strateji planlaşdırma və beynəlxalq əlaqələr sektorunun müdiri Orxan Ərəbov tərəfindən Gənclər Fondunun gördüyü işləri haqqında məlumat verilib və Fondun beynəlxalq təşkilatlarla əməkdaşlığa açıq olduğunu bildirilib. Maqomed Aliyev "Bakı 2015" 1-ci Avropa Oyunları zamanı fəaliyyət göstərən Rusiya və Azərbaycan Azarkeşləri Evinin könüllüləri və rus icmasının nümayəndələri ilə də görüşüb.
Səfərin növbəti günündə Maqomed Aliyev ARGTMŞ-ın təşkilatçılığı ilə Gənclər Evində (ARGTMŞ-ın ofisi) ARGTMŞ-ın üzvü olan gənclər təşkilatlarının rəhbər və fəalları, mətbuat nümayəndələri ilə görüşüb. Görüşdə MDB, Baltikyanı və Qafqaz ölkələrinin gənclərinin inteqrasiyasının stimullaşdırılması, gənclərin əməkdaşlığının inkişafı üçün şəraitin yaradılmasından danışılıb. Tədbir zamanı ARGTMŞ-ın üzvü olan gənclər təşkilatlarının rəhbər və fəallarının sualları cavablandırılıb və qarşılıqlı fikir mübadiləsi aparılıb.
Xatırladaq ki, "Sodrujestvo" beynəlxalq gənclər təşkilatı gənclərin qanuni hüquqlarını və maraqlarını qorumaq, Avrasiya məkanında MDB ölkələri və digər üzv təşkilatların gəncləri arasında qarşılıqlı anlaşma, əməkdaşlıq və dostluq əlaqələrinin yaranmasına təşviq etmək məqsədilə yaradılıb. Qeyd edək ki, sədri Şahin Seyidzadə "Sodrujestvo" beynəlxalq gənclər təşkilatının idarə heyətinin üzvüdür.
Bütün xəbərlər Facebook səhifəmizdə
USD
EUR
GBP
RUB