1 iyun – Uşaqların Beynəlxalq Müdafiəsi Günü respublikamızın hər yerində olduğu kimi, Lənkəranda da təntənə və əsl coşqu ilə qeyd edilib. SİA-nın Cənub bürosunun məlumatına görə, səhər saatlarında Lənkəran Mədəniyyət Mərkəzində şəhər İcra hakimiyyəti, şəhər Təhsil şöbəsi, şəhər Mədəniyyət və turizm şöbəsinin birgə təşkilatçılığı ilə keçirilən bayram tədbirinə ümumtəhsil məktəblərinin rəhbərləri, müəllimləri, şagirdləri, məktəbəqədər təhsil müəssisələrinin rəhbərləri, tərbiyəçiləri və uşaqları toplaşmışdılar.
Lənkəran Şəhər İcra Hakimiyyətinin başçısı Taleh Qaraşov Mədəniyyət Mərkəzinin girişində Lənkəran rayonu üzrə 2014-2015-ci illərdə Beynəlxalq və Respublika idman yarışlarının, fənn olimpiadalarının, musiqi və rəsm müsabiqələrinin qalibləri və onların əl işləri ilə tanış oldu.
Sonra İcra başçısı Mərkəzin geniş iclas salonunda keçirilən bayram tədbirində bütün lənkəranlı uşaqları səmimi qəlbdən təbrik etdi, onlara ən səmimi və xoş arzularını çatdırdı. Ulu Öndərimiz Heydər Əliyevin Respublikamızda uşaqlara həmişə yüksək diqqət və qayğı göstərdiyini xüsusi vurğulayan İcra başçısı qeyd etdi ki, hazırda bu siyasəti uğurla davam etdirən möhtərəm Prezidentimiz cənab İlham Əliyev və onun xanımı, Heydər Əliyev Fondunun prezidenti, millət vəkili Mehriban Əliyeva daim uşaqların qayğısına qalır, onların sosial qayğılarının həllini diqqət mərkəzində saxlayır. Lənkəranlı uşaqlar da həmişə bu diqqət və qayğı ilə əhatə olunublar.
Sonra tədbirdə ümumtəhsil və musiqi məktəbləri, məktəbəqədər təhsil müəssisələrinin şagird və uşaq kollektivlərinin iştirakı ilə hazırlanmış bayram konserti nümayiş etdirilib.
Həmin gün lənkəranlı uşaqlar axşam saatlarınadək Heydər Əliyev Xatirə Parkında, Gənclər Mərkəzində, Həzi Aslanov adına Xatirə Parkında, Sahil İstirahət Parkında və s. yerlərdə şənlik keçirib, əylənib, mahnı oxuyub rəqs ediblər.
Sərraf Mirsəfəroğlu
Bütün xəbərlər Facebook səhifəmizdə
USD
EUR
GBP
RUB