Azərbaycan Respublikasının Dövlət Sosial Müdafiə Fondunun (DSMF) sədri Səlim Müslümov 15 may tarixdə, saat 11.00-da DSMF-nin Sabirabad rayon şöbəsinin inzibati binasında Şirvan şəhər, Saatlı, Salyan, Cəbrayıl, Hacıqabul, Neftçala və Sabirabad rayonlarında yaşayan məcburi dövlət sosial sığorta ödəyiciləri və pensiyaçılar üçün qəbul keçirəcək. Fondun mətbuat xidmətindən SİA-ya daxil olan məlumata görə, qəbulda iştirak etmək üçün vətəndaşlar Salyan, Neftçala və Cəbrayıl rayonlarından mayın 15-də saat 08.30-da, Şirvan şəhərindən, Hacıqabul və Saatlı rayonlarından isə saat 09.00-da Fondun həmin şəhər və rayon şöbələrinin qarşısından onlar üçün xüsusi ayrılmış nəqliyyatla Sabirabada aparılıb gətiriləcəklər.
Qəbula yazılmaq və əlavə məlumat almaq üçün "info @ sspf.gov.az " elektron poçt ünvanı, 190 saylı "Qaynar xətt", habelə Fondun Aparatında (012)434-12-34, (050)230-33-40 nömrəli telefonları, Fondun Sabirabad rayon şöbəsində isə 021-235-50-57 və (050)333-91-31 nömrəli telefonları vasitəsilə əlaqə saxlamaq olar.
Bütün xəbərlər Facebook səhifəmizdə
USD
EUR
GBP
RUB