Bu gün Mətbuat Şurasında Zərdabi Mətbuat Mərkəzinin və "Sport favorit" qəzetinin "İdman mövzusu Azərbaycanın kütləvi informasiya vasitələrində mövcud durum və peşəkarlığın artırılması yolları" layihəsi çərçivəsində apardıqları monitorinqinin 3 aylıq yekunları açıqlanıb. SİA-nın verdiyi xəbərə görə, təbiri giriş sözü ilə açan Zərdabi Mətbuat Mərkəzinin sədri Rəhim Hüseyinzadə bildirib ki, layihənin araşdırma obyekti ölkənin müntəzəm yayımlanan, ictimai fikrə təsir göstərən qeyri idman KİV-ləri 25 qəzet və 9 informasiya agentliyidir. "Monitorinqlərimiz həmin KİV-lərdə ixtisaslaşmış media orqanları ilə müqayisədə daha çox həllini gözləyən problemlərin mövcudluğunu aşkarladı. Layihənin məqsədi Azərbaycanın KİV-lərində idman mövzusunun operativ, obyektiv və peşəkarlıqla işıqlandırılmasına nail olmaqdan ibarətdir".
Tədbirin sonunda digər mətbuat nümayəndələri layihə haqqında öz fikirlərini bildirdilər.
Bütün xəbərlər Facebook səhifəmizdə
USD
EUR
GBP
RUB